es is a klans kaff wo a jeda jedn kennt
und se wissn er is a second hand existenz
des beweist allanig scho sei fetzenhemd
oba wasd wos er is in seim element
er schiabt a ruhige kugel ois was sei eikaufswagal
obwoi a hupft wie google - sovü zeit hot kana
er hot ois sondiert dzähnd plombiert tätowiert
benz ogschmiat und dann is a auf amoi explodiert
seit dem wird a gmiedn se dan ois wa a deppad wordn
dawei passt a nimma in erna rechtsreform
vielleicht a bessa so - er red wos vo überwochung
und bleibt unter bruckn über nocht und
er was wies rennt er erzöht vo seim basiscamp
und predigt nur den wein dens erm a gratis gem
mit seim höm aus alufolie is a da kapitän
a schöm oba er is gern auf parties gsehng

Ihr mochts mi zu am Noa
I hob mein vastond scho längst verlorn
des mitleid kennts eich olle spoan
wei ohne eich wa i nie narrisch woan

ma was ned ob a ned mehr vo da woaheit woas
im somma mocht a si a bett aus am kornfödkroas
und es is eam wuascht ob a mit boagöd zoiht
sorgn san dort wo des wort zöhn soit
und aus erm spricht de gleichgültigkeit
er is streit süchtig seit erm ka zeit übrig bleibt
schau ned deppad wei sunst dfeist fliagn
schottnboxer ohne koffer - üba seina bian kreisn dfleischfliagn
er diskutiert drauf los
auf dem gebiet is a a virtuos nur hoit ohne Sinn und so
a grandiga zeitgenoss, schlawiner eigenschoft
sangria, feignschnops san imma glei eipockt
noch am intensiv geführtn söbstgespräch
kummt a zum schluß das a jetzt de wöd vasteht
oba a unter eremitten rennt a unter ferner liefen.
im endeffekt is ois a frog da perspektiven

Ihr mochts mi zu am Noa
I hob mein vastond scho längst verlorn
des mitleid kennts eich olle spoan
wei ohne eich wa i nie narrisch woan